الموضوع: اكــــــــبر قــهـر
عرض مشاركة واحدة
قديم 02-Jan-2011, 09:21 PM   #1

مشرف منتدى القنص والرحلات البريه


الصورة الرمزية بندرالمهيمزي
بندرالمهيمزي غير متواجد حالياً

بيانات اضافيه [ + ]
 رقم العضوية : 983
 تاريخ التسجيل :  Apr 2010
 أخر زيارة : 09-Jun-2021 (05:51 PM)
 المشاركات : 1,272 [ + ]
 التقييم :  11
لوني المفضل : Cadetblue
افتراضي اكــــــــبر قــهـر




أكبر قهر لاجيـت تعشقلـك انسـان
واللي تحبه ساهـي ٍ مـا درى بـك


وأكبر قهر تحلم وتحلم لـك ازمـان
ويطيح حلمـك ميـت ٍ عنـد بابـك


وأكبر قهر تبني من سنيـن بنيـان
وتشوف بنٌيـك مـا تعـدى ترابـك


وأكبر قهر تسقي من الورد بستـان
وتموت بين يديـك زهـرة شبابـك


وأكبر قهر تارد على البير ضميـان
وتشوف بعض الطين حايس شرابـك


وأكبر قهر لاحطـوا النـاس نيشـان
كل ٍ يزٌهـب وانـت ضايـع زهابـك


وأكبر قهر ترهي على حصان خسران
يوم السبق لا طحت كل ٍ حكـى بـك


وأكبر قهر لاصرت ضايع وعطشـان
ونفس الطريق اللي يوديـك جابـك


وأكبر قهر صاحبك لا جـاك خـوٌان

لابحت له بالسـر راح ووشـى بـك


وأكبر قهر تعطـي وتعطـي علشـان
تاخذ عقـب كـل العطايـا حسابـك


كل ما سبق ذكره على الشوف ما كان
حفنة حروف ٍ مـع بعضهـا تشابـك


ماهوب هرج ٍ يِعجَـنْ بفـم وللسـان
ولاهوب عود ٍ يكسـره حـد نابـك


إن كنت فيما قلـت تحتـاج برهـان
ناظر وتلقى فـي قصيـدي جوابـك


وإن كنت فيما قلت مخطي وغلطـان
أترك خطانا وأنـت عطنـا صوابـك


 
رد مع اقتباس