ليتك قبل لا انتفارق / طحت من عيني
عشـان لامـن نسيـت .. انـسـاك بالـمـرّه


لكـنـك اقــرب لـ( دمــي ) مـــن شرايـيـنـي
وغــلاك لـــه فـــي ضـلـوعـي كـــرّه وفـــرّه


اصــارحـــك .. لان مـايـعـنـيـك يـعـنـيـنــي
واعـاتـبـك .. وانـــت لـعـيـون الـغــلا قـــرّه


خابـرك مهمـا افترقنـا مـا انــت ناسيـنـي
وانـــــا اتــذكـــرك فـالـلـحـظـه 100 مـــــرّه


اسمـك لحالـه عـن اللـي جـاي مغنيـنـي
منقوش فالقلب نقش ٍ في صفا الحـرّه


الله يــســـامـــح خــــطـــــاك ولايـخــلــيــنــي
ان كـان الاحسـاس ماعنـدك منـه ذرّه !


وشـلـون يالـلـي مصافـيـنـي / تجافـيـنـي
عــــــزالله ان الــلــيـــال الـــســــود مــفــتـــرّه


لكـن وش اقــول والا ويــش فــي يديـنـي
مـــدام عـهــد المـوالـيـف انـكـشـف ســــرّه


مــن ضيـقـة الـصـدر فيـنـي مــا يكفيـنـي
تــــعـــــيّـــــن ! زرار ثـــــــوبــــــــي يالله ازرّه


ان كــــان ماجـيـتـنـي يـابـهـجـة سـنـيـنــي
غــديــت مــثــل الـشـهـيـد مـحــمــد الـــــدرّه


مـــا أظـــن تـبـقــى عـنـاويـنـي عـنـاويـنـي
يـمــوت فـــيّ الـغــرام بـ( خــيــره وشــــرّه )


مجبـور فـي واقـع ٍ ماهـوب مرضيـنـي
هــذا مصـيـر ٍ علـيـه النـفـس مـضـطـرّه


خــذ هـمـي وشـوقـي وجـرحـي وسكـيـنـي
لـ( عـالـم ٍ ) ينتـظـرك .. ودربــك يـمـرّه


شـف عـاد قلـب ٍ قسمتـه بينـك وبينـي
عـانـه تقـفّـاك .. واقتـصّـك عـلـى الـجـرّه


الله يــــوفـــــقـــــك .. والله لايـــعـــنـــيّـــنـــي
الـحــب .. مـاعــاد ابــــي بــحــره ولا بــــرّه



مما لامس احاسيسي نقلته لكم.........اتمنى ان يعجبكم