[ غــربه بـلا عنـــوان ]
[poem=font="simplified arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يــعــيــن الله يــادنــيــا تـــســـوق أيّــامــهــا الأحـــــــزان=
يـعـيـن الله .. وانـتــي مـثــل قــفــل ٍ ضــــاع مـفـتـاحـه =
يعـيـن الله ... وجـروحـي لـهـا فــي كــلّ وقــتٍ شــان=
كـــذوب الـلــي يـقــول ان الـزمــن بــيــداوي جــراحــه =
سـقــى الله يـــوم انـــا يــمّــه غــريــر ٍ يــزعــج الـجـيــران=
سـقـى الله يـــوم أنـــا طـفــلٍ يـصــج الـبـيـت بصـيـاحـه =
سقـى الله يـوم كـان اقصـى طموحـي .. لعـبـة الـدنـان=
نهايـة يومـي المـغـرب ... وأخــاف اللـيـل واشبـاحـه =
سقـى الله يـوم انـا البـس بشـت ابــوي وثـوبـه القيـطـان=
واقلد كـلّ شـيٍ فيـه .. حكيـه .. جـدّه ..مزاحـه =
واشيـل المسبـحـه مثـلـه لـيـا هـوجـس وهــو سـرحـان=
بيشعر ...واحسـب ان اللـي عطـاه الشعـر مسباحـه =
سـقــى الله بـيـتـنـا ذاك الـبـسـيـط مـشـقــق الــجــدران=
شــجـــاع ٍ يــهـــزم الــغـــدراء بـقـنـديـلـه ومـصـبـاحــه =
تكحّلنا القناعـه .. لا طمـع .. لا هـم .. لاحرمـان=
وإذا جــاء اللـيـل تكفيـنـا ثــلاث اخــوان ..طـرّاحــه =
جمـيـع الـذكـريـات الـلــي غـــدت فـــي قـفــرة النـسـيـان=
يـحـاكــي حـلــوهــا عــبـــره بــمـــوق الـعــيــن سـبّــاحــه =
خـذتـنـي غـربــةٍ عنـوانـهـا ... غـربــه بــــلا عــنــوان=
ابي عقب التعب راحـه ... لقـى فينـي التعـب راحـه =
رجعـت اليـوم مثـل اللـي رجـع عقـب القنـص خـسـران=
غـــدا طـيــره وجـــاء يـسـحــب سـلـوقـيـه ومـلـواحــه =
قـصـيـده مـابَـعَـد مـــرّت بــبــال مـسـاعــد وضــيــدان=
هـواجـيــس ابــــدويٍ هــايــم ٍ فــــي عــشــق فــلاحـــه =
وروح ٍ تــايــبــه كـــانـــت تـــبـــي لـذنـوبــهــا غـــفـــران=
خـطــاي انّــــي كـتـمــت اســرارهــا بـعـيــون بــواحــه =
تـقـولـيــن الــمــطــر مـــاهـــوب يـــمّـــه دايــــــمٍ هـــتـــان=
اجــل مـعـذور قـلـبٍ فـــي هـمـومـه ضـاعــت افـراحــه =
انــــا يــمّــه غـلـطــت ولانـــــي اول واحـــــدٍ غـلــطــان=
ابــونــا آدم مــــن الـجـنــه خــــرج بـأســبــاب تـفــاحــه =
خـذلـك الـوقـت فيـنـي .. ماخذلـتـك يـاأعـز إنـســان=
وش الدبره ؟ وحظي صار.. قفل ٍ ضاع مفتاحه =[/poem]
|