رد: قيادة المرأة للسيارة : التحجج أم مخالفة النظام ؟
بصراحه الاسئلة شتت أفكاري بس الموضوع مفهوم كل مافية
بس أنا أقول الحين
يقولون ان المرأة عيب تسوق مو زين تسوق وش يقولون عنها الناس وهي تسوق ياناس تراها ماراح تسافر بخط بعيد
تراها انا بتروح لشغلها ام لاغراض لبيتها ام للسوق لغرض حاجة
وبعدين والله الحين السواقين متوفرين واي وقت بتطلع المرآه طلعت ومع من من السواق
الحين يومنكم حاطين ببيتكُم اجنبي بالله هو بيحميها لك بهالشوارع
والله ان الله حاميها بلاك وبلا ذا البنقالي او الهندي الي انت مأمنة على بناتك وزوجتك
وبعدين بعض المسكينات
تحصلونها جايبة سواق بـ1500 ودوامها مايجي له 5 كيلو ولا ومسكنتة تحت البيت بالملحق واكل وشرب عليها وعلى اهلها
وش الفايدة لو تسوق بتخسر هالخسائر
وبعدين والله حتى لو ساقن البنات والحريم بصراحه
الشباب فيهم غيره على هلهمم ماراح يطرقون لهم باي شيء
وبتشوف الاحترام بكل مكان
بس تدريجيا على اول قيادة المراه بيكون هناك الوضع يصير مع مرور الوقت عادي
وانا اشوف ان قيادة المرآه شيء عااادي
واذا ماصار هالسنة بيصير السنة الجاية
واذا ماصار السنة الجاية بيصير عقب 5 سنوات
وبعدين بالله يعني كل هالعالم خطأ وأحنا الصح
الحين الكويت
والاردن
والبحرين
والامارات
وقطر كلهم
خطأ وأحنا الصح
بصراحه انا مع الكلام الي يقول قيادة المرآه شيء عادي
بس تكون هناك قوانين
1- أنها ماتطلع من المدينة الي هي فيها
اذا كانت بالرياض ماتطلع برى الرياض يعني تكون فقط داخل المدينة
وثاني شيء تكون ملتزمة ويكون عمرها
من 24 فما فوق
بس بشرط
ماتكون 18 ورايحة للجامعه
هذي مراهقة
وتحياتي لكُم وهذا قراري نحو قيادة المراهـ
|