يا ناعم العـود لا لديـت خـرس العيـون=خلـك حريـص ٍ علـى مغليـك لا تقتلـه
ترى لك عيون معها سـم ساعـة يهـون=منهـا سهـوم المنايـا تنطلـق مرسلـة
أنا أدري انـك ليـا لديـت يمـي تمـون=لكن ما تدري عـن عيونـك و مـا تفعلـه
و الله يا لو ما انت يا الغالي عطوف ٍ حنون=انـه ليصبـح حبيبـك لاقــي ٍ مقتـلـه
سبحان رب ٍ جمع فيـك الحـلا و الفنـون=فنونـك الراقـيـة واجــد و متشكـلـة
تدري من تكون ؟ أنا بقول لك مـن تكـون=نبذة قصيـرة و قـول ٍ مختصـر مجملـه
أنت الذي مثلـك العشـاق مـا يعشقـون=مخلوق مثلك بهذا الكـون مـن حصلـه ؟
من هيبتك لأمرك أصحاب الهوى يرضخون=و ان قلـت كلمـة لهـا تقديـر و مبجلـة
مشيت واثـق بخطواتـك تخطـى بهـون=و دخلت بستان الأسلوب و قطفـت أجملـه
و غنى لك الحسن حتى مال ميل الغصـون=و ذوق الحياة الرفيع انحـاز لـك بأكملـه
أدنى ملامحك تعجـز كـل مـن يرسمـون=لو الريـش تجتمـع مـا حلـت المشكلـة
و أسهل طبايعك تتعب كـل مـن يكتبـون=لـو كـل ٍ يشعـب التعبيـر و يفصـلـه
حتى هل الشعـر لـو شافـوك يتهولـون=اطيبهم اللـي لا شافـك ضيـع البسملـة
يا صعب وصفك على اللي فيـك يتغزلـون=أنا و أنا اعرفك وصفك ما أقـدر أكملـه
الشاعر معيبد
صح لسانك قصيده جزله من شاعر جزل والله يعطيك العافيه كفيت وفيت
وتقبل مرورري