حجاج
هلا يامرحبا ترحيبتٍ من كل شكـل ولـون=تراحيبٍ لأبـو نـواف مشروعـه ومثنيـه
الا ياصحابنا ياللي على وضح النقى تمشون= ترى عندي حقايق ثابتـه واخبـار سريـه
ابو نواف
يدوم الك البقاء من هاجسن باهل الوفاء مفتون === يحب اهل الوفاء واهل الوفاء مية على مية
مدامنك عرفت اخبارهم باقوللك بالهون === ترنا معلينا كان بعض الناس مبلية
حجاج
الا ياهل الهوى مدري من الغفله متى تصحون=تراكم مـن بعضكـم بينكـم غـل وحزازيـه
انا خابرك وافي يوم ربعك بالوعـد يوفـون=ولاكن ماتميز بيـن شكـل الـداب والحيـه
ابو نواف
الا يولد مدله لولقينا سحرك المدفون === نبا نتعبك ياحجاج في روحه وفي جيه
الا يالتاجر المديون من غير الديون ديون === تقهوى وشرب الفنجال ونته صافي النيه
حجاج
يجيب الله رجالٍ تفرق الصاحي عن المجنون=وانا صاحي واضد القـوم خيالـه ورجليـه
عليه بالحرام انك لو تلف الديـر والكـون=ماتلقى مثلنا بالارض عـزوه نارهـا حيـه
ابو نواف
يابن مدله لون الناس مخلوقه بليا عيون === يحطونك بدل صدام والعزوه عراقية
عسى ربي يحفظ النا الحكومة والرجال تصون === مدام العاصمه في حايل مسماه عبسيه
حجاج
انا من بطن عبس معرب الجدين بالمضمون=اقوله والشرف والعز يبقـى منـي وفيـه
والسلام خير الختام,,,,