.gif)
با امدح اللي يستحق المدح بسمي
يستعد الشعر توي واعتني له
وارتقي به فالمعاني وارتكي له
دام انا شاعر تغنى بالقصايد
والمشاعر تندفق دفق المسيله
بامدح اللي يستحق المدح بسمي
واذكر الموضوع وابين دليله
يا قصيدي هات في عبس المعاني
هامة (ن) للعز ما ترضى بديله
هم رشايدة المكارم والبطوله
صيتهم عدى العبارات النبيله
هم رشايدة الشجاعه دون قاصر
لا ذكرت افعالها نعم القبيله
عنترة عبس المسمى بالشجاعه
شق لافعال المكارم من سبيله
والمهامز صيتهم عدى النوايف
النعم في حقهم والله قليله
قلتها وانا شريف الساس ناصر
ما اداني صاحب النفس الذليله
لابتي بافعالهم تاريخ خلد
حزة الضيقه يشبون الفتيله
من سلالة خير خلق الله طه
والشرف فيهم تبين سلسبيله
شاعر من ضمن شعار القبيله
قام يفخر بالتقاليد الاصيله
والقبايل حقهم محفوظ كامل
ما نقلل في حقوق اهل الفضيله
ناصر اعلنها وغيره قد قراها
يوم حرف الشعر يا عالم خليله
بس ابا اوقف حروفي واغتنمها
دامت حروف وسط صدري قتيله
|