قالت لي أمسك هالقلم
وهات الورق
وأكتب على ذيك السطور
بعض الجمل
إكتب نهاية هالعشق
إكتب على أول سطر
اليوم وتاريخ الشهر
واكتب على ثاني سطر ... بنستمر
واكتب على آخر سطر ... ما نستمر
اكتب يصير أو ما يصير
والعبره دايم بالأخير !
هي قصدها ..آخر سطر
هي قصدها ما نستمر ... يعني تبينا نفترق
وأصير أنا ... ذكرى عشق
رديت عليها
وهي تنتظر أكتبلها... سطر وسطر
جيت أبكتب هالجمل .. لقيت دمعي اللي كتب
كتب جمل .. غير الجمل
كتب جمل ... كلها بسمة أمل
كتب على أول سطر
قلبي يحبك للأبد
وكتب على ثاني سطر ...مرضى أنا بغيرك أحد
وكتب على آخر سطر ... أكيد حنا بنستمر
طول الدهر ... ولو قضى فيك العمر
أبعطيك من عمري عمر !
بس المهم ما نفترق
وما أصير بدفترك ... ذكرى عشق
منت العشق اللي نهايتك الفراق
ترى العشق بيبتدي بعد الفراق
محبوبتي ..."
هاتي الورق ... كل الورق
وأكتبي بكل السطور
كلمة يملاها الشعور ... كلمة لا يمكن تبور
أكتبي بأول سطر...وآخر سطر .... وفوق الورق
لا يمكن إنا بنفترق
لا يمكن إنا بنفترق
وتعالي نحرق بالعشق ....ذاك الورق!
/