يـا صاحبـي لـك مـدةٍ مـا تجينـا
وش غيّرك يا سيـد كـل المحبيـن؟!
فيمـا مضـى تقفي و تقبل علينـا
واليوم تقطع جيّتك يا أريـش العيـن
إن كان تسمـع كـل مـا قيـل فينـا
عذالنا مـا هـم بواحـد ولا اثنيـن
عذبتنـي وأرجـي مـن الله يعيـنـا
ولأجل الغلا بصبر على الزين والشين
كم يا حبيبـي وكـم لأجلـك عنينـا
وبعد الجفـا ننشـد عساكـم معافيـن
طول الجفـا يثّـر علـى العاشقينـا
والحـب والله مـا يزيلـه مـداويـن
والله فـلا غيـرك حبيـبٍ هويـنـا
أنت الوحيد اللي له الـروح مفديـن
مالي بغيـرك شـف لـو هـو يبينـا
من عادتي بالحب ماحب أنـا اثنيـن
والله لـو طـال الجـفـا مانسيـنـا
أنا على رجـواك يـا كامـل الزيـن
و إن كان تسمـع كـل مـا قيـل فينـا
عذالـنـــــــا مـا هـم بواحـد ولا اثنيـن !!
منقول