اقدم لكم هذه المحاوره بين الشاعرين الشاعر بدر المزيني الحربي والشاعر حجاج المهيمزي في تاريخ 4/4/2011 م وكانت البدايه من الشاعر بدر الحربي
بدر المزيني
مرحبا في حلة اهل المعرفه واهل المعاني=الهدف سامي ورجل العرف بالميدان سامي
بارك الله من دعى حجاج تشريف المكاني=له مكانه واحترام ولك مكانه واحترامي
حجاج المهيمزي
البقى من شاعرٍ بصمته تبقى بالزماني=شاعرٍ رافع مقامه مع رفيعين المقامي
الشرف لي بالمجي واللي على الدعوه دعاني=دعوتٍ حافظ له التقدير من كل اهتمامي
بدر المزيني
صح كلٍ بصمته تبقى ومايخفى يباني=والظروف تحول بعض احيان عن نيل المرامي
وبنت ابو زيد المسمى شانها بالوقت شاني=والعشاشيق ابلشوها عشق عامي عشق طامي
حجاج المهيمزي
احتزم يابدر واركب زين في ظهر الحصاني=يوم وقت المعركه كلٍ يبى يشد الحزامي
بنت ابو زيد اتبعي وانا لها والعمر فاني=قلتها يابدر لاكن طيعني واسمع كلامي
بدر المزيني
الله يقويك لاكن لاتقول الله رماني=ياعسى لك نور يوم النور جلاي الظلامي
قيس مابين الوطى ياشيخ وسهيل اليماني=واعتبرها يالرشيدي حسبة اضغاث الحلامي
حجاج المهيمزي
لابغيت اثنيك يارجال ثني الخيزراني=قالت العالم سواتك في بدر ظلم وحرامي
حاسب حسابك تراني بالدقايق والثواني=مير نارك يالمزيني كلها برد وسلامي
بدر المزيني
قلت جودت العنان وقال مافيها عناني=قلت روح ياعساها لخطت الجرف بعدامي
جود الساعه بيدك وناد لفلان وفلاني=وكان مافاد الصياح اطلب لموضوعك محامي
حجاج المهيمزي
الله اللي في ضعوف الخلق ياناس ابتلاني=مير في هرجك ترى حجاج مالحقك الملامي
رددو ياحرب تال الليل قولت ليل داني=يوم انا والشاعر الحربي بدينا بطق حامي
بدر الميزيني
نوب اقول الوضع شان ونوب اقول الوضع زاني=الدهر لاشان خلى الغصن مجرود النوامي
انت حدك من هل الحره ليا ضلعان اباني=من نشيط ليد نشيط يطيح وان ماطاح قامي
حجاج المهيمزي
العقل نعمه وانا ربي من النعمه عطاني=وانت ميز بين ريش الصقر من ريش النعامي
ديرتٍ ماضمت ضعيف المروه والهداني=دونها ماينحني راسي ولاتبرد عظامي
دمتم بود