حـاول بهدنيا تعين المساكـين
زان القصيد وهيض الفكر طـيرين
واحترت من فيهم صدق مع خويه
ومدري اذا طاروا مع الجو الى وين
يمشون بالصحـبه ونفسٍ وفـيـه
والا كما اللي قـدم الطيب لثنين
ومـن بعد طيبه مالقا الا الرديـه
جاهم منافق يسكب السم بالعين
واسود مـن الغربان وجهه شويه
ماله بدرب الطيب أيـة عناوين
يفرح اذا سبب مشاكل قـويه
واكبر دليل الناس عنده مجانين
ماغـيره الصاحي بكل البريه
وياللي تبي تسمع لناسٍ مجانين
ابشرك حتى حياتك شقـيه
حـاول بهدنيا تعين المساكـين
وتمشي بدرب العز في حسن نيه
والخاتمه لا تصير مع ناس فاضين
كمل مسيرك دوم مع ناس حيه
|