..


لاتسئلوني عن سبب دمعة العين ..
..... والله مدري دمعتي وش سببها ..


يجوز تبكي من بعد ناس غالين ..
..... ويجوز تبكي حين ساعة غضبها ..



وحيان تبكي من سبب كثرة الدين ..
..... وحيان تبكي سبة اللي نكبها ..


دنيا غريبه ماعرفنا لها زين ..
..... محدن على طيبه بيومن كسبها ..


لوهي صفت لك يوم وإلا بيومين ..
..... بالثالثه عينك تبلل هدبها ..



لاواهنيك يادموع الوراعين ..
...... من قبل لاتنزل ملبى طلبها ..


صلف ولكن موقفي بين نارين ..
...... والنار ويل اللي يطاول لهبها ..



أبكي من الحيره وأبكي من البين ..
...... وإلا من هموم الزمان وتعبها


الدمع واجد والمشاكل ملايين ..
...... لاعاد تسئل دمعتي وش سببها