الهم بي ظافي
شربت الهم واستثمرت في جوف الضماير هم
وسالت دمعتي من فوق خدي تندب اطرافي
كفاني جرح قلبي ما ظهر له فالجسد مرهم
ولا حصلت له غير الالم لليوم يستافي
تخيلت الظلام اللي معي يبحر حصان ادهم
وانا اجدف عليه وينكسر حلمي ومجدافي
تمنيت الفرح يشرى بدولارات او درهم
وانا والله لا ادفع فيه ما في جوف صرافي
انا والشعر من جوف المعاني للوفى ملهم
جميع الشعر في جوف الحنايا يا عرب صافي
ولكن ما اداني من لفى شعره علي مبهم
اريد الشعر واضح للعموم يكون شفافي
شعوري في ضميري بالخيال الواقعي درهم
مزج كل المشاعر في ضميري وابتدى قافي
وصارت ذكرياتي للحبيب اللي لفى تزهم
وليته يعرف اللي داخلي ما هو بينشافي
يروح عقلي الهاوي الا من الغضي سلهم
وانا من سبت عيونه ابد ماني بمتعافي
ظلام الليل من فوق الحنايا يا عرب دلهم
وانا ظاعت حياتي للاسف والهم بي ظافي
|