آخر ڪلامڪ قلت لي منت مجبـور
وش رجعڪ بالله بعدك تبيني ؟!


وصلتها للـ / الفراق ومنت معذور
أبيع بايع واشتري مشتريني


ومادام قلبڪ خالي احساس و شعور
ماني بحاجة قلب ماحس فيني


ماني على خبرڪ تمثل لي الدور
ولاني على ڪيفك تروح و تجيني


و اذا الزمن لـہ جـور والحب لـہ جور
جـورڪ على جور الزمن مبتليني


ضايقتني حتى و أنا دمي يفـور
وڪذبت في شي حصل شوف عيني


ڪذاب , أناني , ميت احساس , مغرور
قاسي , عنيد , و ياخسارة حنيني


و شلـون أمد الڪف والڪف مبتـور . . ؟!
من قلبك اللي مايقدر يميني


وقـتـ[ن] مضالڪ مالفى مني قصور
ماباقي الِا أشيلڪ براحتيني


و ڪتبت فيك حروف و أبيات وسطور
ليتڪ تحس وليت قلبك يبيني


زرعت فيك الڪبر و أصبحت محقـور
وأعميت عيني من رفالة يديني


رفعت من قدرڪ و واجهت بغرور
و أول وفاڪ تروح ماتحتريني


و اليوم ترجع لي عقب غيبة شهـور
ودڪ تعيد الحب . ؟ لا ياضنيني


ماعاد باقي غير أوادعڪ مجبـور
راحت عليڪ و ياخسارة سنيني


العام قلبي يوم ألاقيڪ مسرور
واليوم عقب الـود لا ترتجيني


و اذا ذڪرت العشره بقلب مقهـور
تذڪر اللي صار بينڪ وبيني


وابعد بعيد وعن فعايلك مشڪـور
الربح نفسي و الخساره لعيني


آخر ڪلامك قلت لي منت مجبـور
و الحين أظنڪ منت مجبـور فيني