ياوهنبك يالصغير هنييا
ياوهنيك يالصغير هنييـااااه تقعـد بحضن الزين صبح ومسيـه
ابو خشيمن سله السيف حلياه ابو جديل(ن)طيتن فوق طيـه
************
اللي يحب الزين يصبر ام ماجاه يلعب بحاله في سنينن(ن) رديه
انخى خلف وحجاب باللي ذكرناه تكفـى يابن هذال زبن الوليه
*************
مكان يوم(ن)ياخلف جيت وياه نمشي من الفيضى الراس البنيه
عقب الوناسه ياخلف قلت ويلاه يالله دخيلـك كيف يزعل عليـه
***********
والحـب قلته ليتنى ماعرفناه ياخوي بن هذال حل القضيه
هذي ثلاث سنين والعين ترعاه خان العهد ياحجاب رادع اشفيـه
*************
اونست قلبي تقطع من اقصاه يابن نحيت الحال مني رديه
قاله بطــي يومه تطرق امعناه واللي زعل ياناس حقه عليــه
|