اثر الغلى يخوف
سلام عليكم.
ابيات قتلها الحبس وأكملتها بـ/بيتين وقدمتها لكم.
متواضعه جداً..أتمنى ان ترتقي لـ/ذوقكم الرفيع.
[poem=font=",5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
بالليل اخطط اني انساك وارتاح=والصبح اشوفك واحلف اني مخليك
آحيان اشوفك وابعد هناااك وانزاح=لا ما كرهتك بس خايف الاقيك
اصد وابعد خايف الدمع ينساح=واجلس على دربٍ تمره و اراعيك
ويفز لك قلبي وانا اسمع له اصياح=وتمر من عندي ولا اقدر احاكيك
مدري علامي خايفٍ منك يا صاح=ياهو قهر لا صرت احبك ولا اجيك
اثر الغلى يخوف واثاريه فضاح=كلن يحس بربكتي يوم نطريك
توي عرفت ان الهوى صدق ذباح=وتوي عرفت اني ضحيه بـ/أياديك
وان شفت لمع الدمع بالخد لا طاح=ماهو حزن..دمع الفرح لـ/التقى فيك
لك في خفوقي طعنة سيوف ورماح=ولك منزلٍ ما به هروجٍ وتشكيك
وان كان تبغى لـ/الغلا اثبات وإيضاح=اقراء قصيدي وادري انه يكفيك
تعال وخذني لا تحملني اجراح=تعبت عيوني بـ/اخر الليل تبكيك
تعال وبدل ضيقت البال بـ/افراح=ما فيه احد مثلي يحبك ويغليك[/poem]
أنا
عبدالله.
|