المشاعر جوعها يفضح هواها
والحقايق وقفت دون الاماني
دمعتي تشرح من الضيقه عناها
يوم تعبيري غدى يلوي لساني
الليالي صفت لعيني بلاها
وانتهى دمعي وانا واقف مكاني
ارجوانية خيالي في لظاها
همها يجتاحني حتى كواني
امنيه ما عدت اريد الحق مداها
كل ما قربت منها قمت اعاني
السبب واضح وتفكيري طواها
افت النسيان هدت لي كياني
شمس تشرق والجبال بها تباها
والقمر يغتالها بسم التفاني
حالة التعبير مدت لي خطاها
ما بقى لي هم منها ما طواني
والليالي قمت ابا اردد صداها
شفت حس الياس يبحر فالمواني
والهنوف اللي تعبت ابغى رضاها
قطعت حبل المواصل في ثواني
ليتها قبل الجفا تعرف غلاها
وانها تسكن وسط عوج المحاني
كان ما عانيت وانا اركض وراها
لين حطمت الزمان اللي جفاني
الجسد ميت وروحي في سماها
تاه تعبيري وتفكيري عصاني