يا أجمل الحب يارمز الغلا كله
يا أجمل الحب يارمز الغلا كله
يافرصة العمر ماغيرك على بالي
أنتي لما يحتويه القلب محتله
حزني وفرحي وتعذيبي وغربالي
ماغير الأحزان ترسل لك وترسله
واللي يزيد المواجع شوف الاطلالي
يامنبع الزين ياورده ويافله*
الله عطاك الجمال بكل الاشكالي
ياشمس حبي ويافيه وياظله
يوم إن بعض الهوى يرجع على الخالي
حبك مهو حب نت ٍ يجمع الشله*
حبٍ زرع شيب في راسي ولا زالي
سنين راحت وأنا وأنتي على المله
ماغيرتنا السنين وهرج عذالي*
ماغير نطويه بالاعماق ونفله*
غير القصايد عزاي الدمع لاسالي
يوم أتذكر سنينه وأتخيل له*
أقول حسبي على هالوقت لامالي
مايطفي الشوق والاحزان والعله*
إلا مخامس يد الغالي مع الغالي
*
الشاعر : فهد النصافي
|