انا في خاطري حاجه و لا ادري ويش ابي بالضبط
و لاني قادر اكتمها و لاني قادر ابديها
متاهة داخل اعماقي بحر حيرة بليا شط
خذاني موجها العاتي عذابي عن موانيها
أبا اهرب من غموضي مير ماباليد حل و ربط
ضياعي كلٍ يشوفه حقيقه ما اقدر انفيها
أنا ما ادري مكاني فوق و الا تحت و الا وسط
أسوق الرجل واتبعها و اقول الله يسويها
أنا عايش بهالدنيا بلا قيد و بليا شرط
مجرد ظل لايامي تباريني واباريها
أنا ايامي سوا .. ما فيه يوم اصعب و يوم ابسط
و لا ادري كيف اميز بين حاضرها و ماضيها
أنا ما اشكي من احزاني و لا ذقت السعادة قط
و مع هذا أحس الناس اضحكها و ابكيها
أنا في صفحة الدنيا حروفٍ ما عليها نقط
حياتي ما لقيت اللي يترجم لي معانيها
مســ ـآع ـــد الرشــيـ ــدي ~ْ