ليت المحبـــة ( كــــــــاس ) !
وأقوى على كسره ..
وليت الكـــلام ( إحســـاس ) !
ماهو كذا حســـــــرة ..
يمكن بقى فينــا ..
نـقـشــة اســامينـــا .. وسط الغصن الأبكم ..
لكن !!
كل الطـــرق عســرة ..
***
غابت سماء زرقا .. وشمس .. وهبايب
ولا بقى لي غير .. ليل وبعض هَـمّ . !
يسألني العالـم عـن إنسـان غايـب
وعجزت من حزني عليـه .. آتكلـم !
إن كان باقـي لـي دعـاء وطلايـب
فالله .. يعيد شفاهـي اللـي تِبسّـم ..
مريت بـدروب ٍ قديمـة .. عجايـب ؟
حتى المكـان اللـي تركتـه .. تألّـم !
بيـت ٍ قديـم وبـاب مبلـي وذايـب
وجدار .. من خـوف الملامـة تهـدّم
وماضي وعشق وذكريـات وحبايـب
وكلمات .. مكتوبة على غصن أبكَـم !
بس التـراب اللـي وفـا .. للخرايـب
وغطا شوارعها .. لأجل يحجب الغَـم
كن داخلي طفل ٍ له إحسـاس شايـب
وإتركتـه الدنيـا .. إلـيـن إيتعـلّـم
وكن الشجر .. رجل ٍ يعرف السبايـب
ومات .. وترك كل الحياة .. إتنـدّم !!
دام العشق خايب .. والإحساس خايـب
و ش لي .. أمر بصوب بيته وأسلم ؟!
ذكرنـي ( ترابـه ) بإنسـان غايـب
وعجزت .. من حزني عليـه آتكلـم !!
***