محاولة كيبورديه ..
والمتمثلة بنص أقل مايقال عنه أقل من متواضع
مقارنة بروائعكم الجزله :
آمل إن يجد ولو القليل من الإستحسان :

[][][]
[][]
[]

ماجيت أجرب حظي .. أفوز .. ماأفوز = ولاجيت أجرب طعم مر الخساره
الرقم قدام آصل الدور محجوز = وراع الصداره مركزه فالصداره
هذا وأبه غيري مداغيش ورموز = مثل الكواكب تعتلي في مداره
هاذي شواهد بصمتي .. والأسم عوز= يكود من حيله قضا عن مساره
الشعر وش به يشكي الباس والعوز =على عماره ناس تبني دماره
غدا جناب الشعر منفي ومهزوز = قلل قليل العرف قيمة وقاره
فكر ٍ يجوز يخون شعار ويجوز = شعر ٍ يخون الفكر وقت أختباره
وشعر ٍ على تشفير وأسقاط ولغوز = في قمة حضوره سقوط أعتباره
العرض فردي لكن البيع بالجوز = أما بخشم ريال ولا أستعاره
ياللي على أعجاب الجماهير بتحوز = لاهنت تحصدها بمعنى العباره
كذا إذا بالفعل تقدر على الهوز = هز الرواسي بالأدب وأبتكاره
والاّ فلا بيرق لحضّرتك مركوز = هيكل بلا فكره ومعنى أستثاره
هذا مجرد رأي ماأقول لك جوز = بس أنتبه كبدك .. وفقع المراره
والكنز في صندوق الأسرار مكنوز = والفكر مفتاحه وقدح الشراره

ملاحظه:
المفردات :
عوز .. العوز ..
.. متشابهتان فالكتابة ومختلفتان فالمضمون ..

ياهلا وغلا
يابو يزيد
ايه متواضعه كل قصايدك متواضعه وهذي هي العلامة الفارقه نعم الشعر بخير إذاً يوجد به مثل هذه المتواضعه وامثال شاعرها المتواضع
صح لسانك مدد لا عدد وسلمت بنانك من كل شر
قصيدة فوق مستوى التعليق
سلمت ولا ندمت
تقبل مروري المتواضع وفائق إحترامي وجل تقديري
دمت بألف خير وصحة وسلامة