إهداء متواضع لطهر قلوبكم
ولكل شاعر نخباوي ...
يمتلك موهبة قراءة ماخلف السطور ..
آمل إن تجد الإستحسان ..

شطحة مدخل : >>
وانا اعتبر مقياس فالقـــــــول لاقلت
...... مبدأ نهجته واحســــــــــــنه بالتعامل
لاني لغير الصدق ماارضى ولازلت
...... أكره محــــــــــابي وجهها والمجامل
ياللي طلعت بغير الأفعـــــال حولت
...... هيبتك ماتفرض على قلب صـــــامل
لاكامل ٍ ينقص .. ولانقــص كمـلت
...... ولايجتمع راعي وســـــيمه وهامل

الأرض ضاقت يازحل مافيه كوكب للإيجار؟ = بصير جار الكوكبه وللبث بفتح لي قناه
وأنهي مساعي مابقاء فالعمر وأعرف لي مسار =لإن الحظوظ العاليه ترمي بأهلها في سماه
من رفعته كانت وقارحوّل عن شداد الوقار= واللي عن المرمى خطاه أصبح مصيب ٍ لارماه
شفت العجايب فالزمن وأفلاكنا عكس المدار = أحد ٍ يداوى من عماوأحد ٍ لطم كفه عماه
واللي عن المنزل جهل ماله على الدنيا قرار = أما يعديه الزمن ولا فهق خطوه وراه
واللي مذاقه من حلا ماذاق من كأس المرار = من جد للعليا وجد ماهوب حظ.. لمستواه
يابيت ياعامر ترى قافيك من ركنك دمار = يهدم مراسيم النجاح وسنين عمره في رجاه
ماحس بإحساس ٍغريب في غفلته يوم أستدار = حاديه ضيق ٍ مارمابه شبح عينه لياوطاه
كنه من الدنيا وحيد ٍ مايجير ولايجار = وإن دار جايرها يلوذ برحمة اللي مانساه
الكوكبه في دورة الأيام ياكبد النهار = ياعابرالسالين ماعاد لك رجعه للحياه
أحسن من الصمت الكئيب لاجيتني تجري حوار =وأحسن من العقل البليد عقل ٍ تفرد به ذكاه
أيمن دروبك للروا وأحذر مواريد اليسار= كل ٍ على فعله عمل ومن العمل جنسه جزاه
لكن تدري يالبيب ان الفرج فالانتظار = ثابروكمل للوصول وقناعة الكنز الغناه
الشعر في شخصي كريم وسامي مقامه من وقار = عاليه فالمغزاء جسور واللي على المغزا رماه

أكبر جريمه تعترف لـأجل مجرم
....... .. وأصغر جريمه تحتوي معنى الإجرام
وأكبر ذنوب الحق فالحق تجـــرم
....... ..وأصغر ذنوب الحق تبرير الأحـــــلام
وأعظم مشــانق حول الأعناق تبرم
....... ..حبل ٍ صباح العـــــــيد ضحى بصدام

...إهداء لطهر قلوبكم :

. الجديد هنا :

[1] ظل الحجـاج ... !!! [2] شواهد بصمتي .. !!
[3] سـر البدر !! [4] المستحيله ... !!!
[5] في عتبها أدبها .. !! [6] الهمهمه .. !!
[7] أبســـــالكـ ..؟