اخواني اعضاء و زوار هذا الصرح الشامخ اهديلكم هذي المتواضعه و هي اخر الانتاج
العصر واجهة لي بالسوق مزيونه
خلت عيوني غصب عني تلد لــــــها
مرت تخطى و ممشاها على هونه
و غضت بنجلن سهـــــوم الموت ترسلـــها
صويبهنه يكون الله في عــــــــونه
و جرايم عيونها ماحدن يمثلـــــــــــها
تجرح و تقتل و هي حره و مصيونه
و كلن على ماتسوي به يبجلــــــــــها.
و انا الذي من سببها تسهـــر عيونه
نوم العرب عيني القشرى ماطاب لها
نومي على الكــف لين يلملم اردونه.
اليل و انا الوحــــدي و اتخيلـــــــها.
عمهوجتن ياهلي بالعون مزيونه
الله عطاها الجمال الي مجملـــــها
حليها عنق ريمن حال من دونه
عسر الوطاء عقب مارماي جفلها
و أﻻ كما مهرتن بالقفل مشبونه
من مربط خيول شيخن مايهملها
شيخن على العز و الطاله تعرفونه
شبه الجزيره حكمها وهو عاهلها
اقفت و انا اقفيت قلبي تنزف اطعونه
من نظرتاً صــــــــوبت قلبي من أولها
راحت و انا ماعرف رقـــــــــــم تلفونه
مع زحمت السوق مقفيتاً رحايلها
وأمسيت مثل المريض ألي يواسونه
على فراش المرض حالته يرثلها
شعر / عايد المهيمزي