شاشة المحمول
بسم الله الرحمن االرحيم
أسمي بجنب أسمك على شاشة المحمول
ألا ليتها واقع و لو ربع من ساعه
أبسهر أطالع فيه وأقول لك معقول
تقوى الهجر عقب التخضاع والطاعه
أنا درت بالعالم وسافرت عرض وطول
ورجعت يمك أشكي الصد وأوجاعه
العين عقبك ماتطالع باية زول
لو مركب العشاق قضبني شراعه
أن لد لي بالعين أقول له يابو الهول
لو يرخي اللثمه مع خدود لماعه
مايهزني صوته مع هرجه المعسول
لو كان غيري في هوى الزين طماعه
ألا يابدر شعبان ياحبي المجهول
دخيلك.. دخيلك ..نفسي اليوم ملتاعه
مرت سنين طوال ماهيب شهر وحول
شريتك بغال السوم والناس بياعه
صدفه لقيتك بمجلسٍ ما عليه قفول
هلت عيوني دموع فرحه ومرتاعه
باسم نشرته بالصحافه وأنا مسئول
يوم الزمن ضاحك وفاتح لي ذراعه
|