أمي فداها فرحت سنين عمري
أمي فداها فرحت سنين عمري
مالحق جزاها لو فعلت العجايب
حبها مثل دمي بالعرق يسري
ياما حمتني من سموم اللهايب
يالله تشفيها وتجبر بكسري
ألي أله عامين بالقلب صايب
حتى وأنا بعبر ألها بشعري
يخونني التعبير والقلب ذايب
يمه غلاكي ممتلك كل صدري
يمه ليا طبتي بلا شك طايب
يمه يانور الدار والدار تدري
أنها ماتسوى دون زولك سحايب
الدار مضلم صار موحش وكدري
أتدورك وين أنت يالنور غايب
يمه فداك العمر والروح ومدري
كلي فدالك يابعد هالقرايب
|