مضامين الجهل
اقرأ ولا تحجب شعاع الحق بعيون الظلام
واسمع ولا تعرض عن انوار الحقيقه بالجهل
هذا هو الموضوع لكن قبلها با ابدى السلام
بقرا سلام القلب للرضع وياصل للكهل
ماني من اللي ينتظر لحظه يريد الانتقام
ولا من اللي يترك الصعبه وينظر للسهل
انا عزيز الجاه وانا من رفيعين المقام
لكن معناتي تعنيني فهل ابكي فهل
ارقى على جنح الخيال اللي رقى فوق الغمام
واطلع شواهيق الجبل وانزل على سفح السهل
الكل ينهل من علوم الناس بسلوب الكلام
لكن انا كل الحضور اليوم من شعري نهل
صارت هواجيسي الد اعداي والد الخصام
لكن طموحي ثار والموضوع يا خلي صهل
استنجب الكلمان واقود المعاني للامام
واصور استعجال تفكيري ولا اداني المهل
هذي العباره للرشيدي تعكس حروف النظام
جاهل يشيد من معاناته مضامين الجهل
|