همسة وفا لجلك على جرح السنين
همسة وفا لجلك على جرح السنين
أنبس بها في خلوة القلب الحزين
وأعاتب الخفقة على زود الونين
ــــــــــــــــــــــــ
يا جرحي الذابل ويا ورد الجروووح
يا غصة بحلقي تجيني ما تروح
عطني من أيامك سنين وعطني من الأنفاس روح
ـــــــــــــــــ
تعال أسولف لك عن أحلام الصبا
وحصاني اللي في مسيره ما كبـــا
طب السهل خاض الوعر شق الربــا
تعال يا نبع الحنين .... عندي لك علوم ونبا
ـــــــــــــــــــــــــــــــــــــــ
أبسأل أيام الخريف
وأخايل المزنة بصيف
وأشرب من العذب النظيف
ــــــــــــــــــــــــــــ
وتزعل وتقفي منك عيني ماروت
يا شمعة بليلي تموت وما ضوت
ونفسي على بعدك حبيبي ما قوت
ــــــــــــــــــــــــــــــــ
تبي الصحيح ؟ الله ما أقسى غربتي
تنكرت لي دنيتي
أمشي غريب بحيرتي
أصبح حزين أمسي حزين
وأسافر أيامي غريب بوحدتي
ـــــــــــــــــــــــــــــــــ
هاذي تخاريف الزمان اللي مضى
وهاذي تلاوين الزمان اللي بقى
ما هي قصيدة حب في ليلة لقا
هاذي من الاسرار يا الجرح المكين
لا والله الا من مضامين الشقا
ــــــــــــــــــــــــــــــــــــ
(يكفيني غـلاها)
|