[poem=font="simplified arabic,6,black,bold,normal" bkcolor="burlywood" bkimage="" border="inset,10,silver" type=0 line=0 align=center use=ex num="0,black""]
يوم الفرح ودّاك تنقش كفوفك=أنا دموعي نقشها فوق الأوجان
و يوم ان ضحكاتك تونّس ضيوفك=هربت بأحزاني عن فلان و فلان
و من فوق هذا جاي تشهر سيوفك=في وجه مشتاقٍ لشوفك و ولهان
لاحظ ضروفي وينها عن ضروفك=شتّان بين ضروف الاثنين شتّان
يا بعد شوفي و أنت يا قرب شوفك=ما يستوي عقلين فاضي و مليان
بكرة كلامي تذكره في وقوفك=بالموقف اللي فيه حسرة و حقران
و تفرقوا من حولك أقرب صفوفك=و أخطت و خابت هقوتك بأقرب إنسان
و احتار قلبك بين أمانك و خوفك=و عادت بك الذكرى لحلوات الأزمان
و طرى عليك اللي من أول يحوفك=يشتال همك و أنت ترتاح طربان
أول غرامٍ يطرق أبواب جوفك=و آخر حبيبٍ يبعده عنك نسيان
لكنّ لا تنسى بلحظة وقوفك=انك من اللي ما حضر في (عزا فلان)!!
[/poem]
كلمات / معيبد الرشيدي