خلاص
خـلاص لاتــرجـع تــرانـا سلـيـنـا %% ما كنت اصدق يـوم انـي ابنـســـاك
في بعــدكـم يامـا علــيــكـم بكيـنـا %% واليوم ما تطري على البال طرياك
واناادري انك رغــم صــدك تبينـا %% لاشك ناس ٍ ضــدنا تقصــر اخطـاك
خــل الـذي غيـر حــنــانـك علينــا %% يعطيك من قلبـه ربع ما عطينـاك
وشــعــاد لا صــار السـلام بيدينـا %% قلبــــي وقلبك بيـنهـا دارت افـــلاك
ودعـــت مــاضـي حبنـا وانـتهينـا %% وقلب ٍ نسيته يــــــوم لابـد ينـسـاك
من سكرةالحب الصناعي صحينا %% حتى المجالس عفتها خوف ذكراك
حـب ٍ جديـد ٍ غــيــــر حبـك لقـينـا %% حديتنـي جــعـــل اللــيــالــي تـحـداك
|