الـبـارحـه يـا حـمـود مـن هــم فــي هــم
====ولـيـل الــدجــاء يــاحـمـود طــالـت مــســاريــه
قـضــيت لــيــل تــايــه الــفــكــر مـهـتـم
====وقــلــب الــعــنــا يــاحـمــود زادت مـشـاكــيــه
شـربــت أنــا يـاحـمـود مــن مــر عـلـقم
====ســم(ن) ذحــاحــن مــا يــنــجــي مــسـاقــيــه
والــصــبــر عـنـدي يالــســنـافــي تحطم
====مــا عــاد بــاقــي صــبر ياحـمـود أراجــيــه
سـبـت ولــيــف(ن) عــن مـلاقاه محرم
====مــحــدود عــن شــوفــه ولا أسـمع بطاريه
دونــه حــدانــي الـبـعـد واللـيـل الاظلم
====وحــدتــنــي الــدنـيـا عـلـى سـيـف شاطـيـه
وعـلـى فــراقــه أزعــج الصوت وأكتم
====أخــاف مــن عــذالــي الـصوت تــوحــيــه
تــكــشــف خـفـاي وفي قـفـايه تــكـلـم
====ويــوصـلـون الـهـرج لا قـصــى عـوانـيـه
وتـبـيـن عـشـرة مـن بـوجـهـي تـبسم
====أبـو عـيــونــن تـعـطـب اللي نـظــرفــيــه
الـلـي بــوده صــرت تــايـه ومـغـرم
====وحـبـه بــرى جـسـمـي وقلبي لـعـب فيه
حـبـه جــرى يا حـمـود في داخل الدم
====وجــرحــه بـقـلبي مالقـا مـن يـداويـه
والـحـب مـثـل اللي يـساهم بالاسـهم
====أمــا ربــح بـالسـهـم ولا خــســر فـيـه
واشــرح لــك الموضوع لـعـل تفهم
====الـمـوت ولاصــافــي الــود أصالـيـه
وأن كـان عـنـدك حــل عـجـل تكلم
====مـحـدن يـلوم اللي فـقـد شـوف غاليه