قصيدة للشاعر / نشمي زامل الرشيدي
هات القلم واكتب على كل نوته
للي لبس ثوب واللي لبس كوت
والشعر لو انه جزيله بيوته
مافاد مرشد والسديري وبخوت
ولافاد راعي الحوت يارجل حوته
لابد مايفارق عياله مع الحوت
كم واحدٍ يرفع على الناس صوته
امسيطرا لابد مايفارق الصوت
والعمر دوره جاهزاتٍ كروته
ولاينتظر شيٍ من الرب موقوت
وطول الأمل مرغوب لو فات فوته
لو إن دنيا اليوم شامت ومشموت
والرجل بالمجلس شعاره صموته
وإذا تكلم ماتجي هرجته لوت
كلاعب الكره حريصٍ بشوته
لكن نوب الباب مايصادف الشوت
كم واحدٍ يمقت بوقته مقوته
وكم واحدٍ جوعان ما ياجد القوت
وكم واحدٍ شق الحجر في نحوته
راح وبقى حرف على الصخر منحوت
وكم واحدٍ يعلن حياته وموته
وكم واحدٍ يروح حذفت براشوت