للشاعر // نشمي زامل الرشيدي
يصير وزنه خف ريش النعامه
إلى نظرت المنظره شفت الاهوال
تقل يتصور لي نهار القيامه
يوم تجازا به خبيثين الاعمال
ينسف على روس الطواغي عسامه
إلا الذي يظلله الرب بظلال
وإن مارحمك الله مامن سلامه
لاتمدح الاعمال لو كنت فعّال
يصير وزنه خف ريش النعامه
الشيب كثر بعارضي والزمن طال
والأجل عند اللي بصير بنظامه
والعمر ماياقاه جاها ولا مال
لو كنت رئيس ماتفيد الزعامه
يالله يافتال عقاد حلال
ياراحم ارحم من تردّى مقامه
نسأل عن الاولاد والولد ماسال
وقتا تغيّر ماعرفنا ختامه
قامت تمر وتنتهي بعض الاجيال
جيل انصرم وجيل بادي سنامه