قصيدة الزمن
[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
عزي لمن مثل عليه الدهر دار=وحاله من الصكات صعباً أدواها
الله يعين الي على الدهر صبار =صابر على مر الليال وحلاها
صابر على صكات بقعاء والأمرار=ومن يوم أنا طفلاً علينا رحاها
يومننا في وسط الأمهاد بالنار=رحنا ومير النفس ربي وقاها
ومن بعدها راس العنى جته الأشرار=تسعة شهوراً مالقينا دواها
وياما وياما غصت في غب الأبحار=ويعين رب البيت رافع سماها
واليوم في وسط التفاكير محتار=من ويت ماوجهتها في عماها
أسهر طوال الليل والدمع نثار=أبكي خفى لين أحرق الجفن ماها
والقلب مابين الصناديق ينزار=وحتى أضلوع القلب تشكي عناها
أونس بداخل مهجة القلب مسمار=أو سم أفعاً له شهر في جماها
أسهر وسلي خاطري بعض الأفكار=حتى طيور الصبح يبدأ نداها
ومن كثرة التفكير عني الكرى طار= والنفس زاد الناس عيا يهناها
زادي القريفل وأشقر البن وبهار=يوماً بعض الناس بحلى كراها
يقطعك ياحضاً لجى داخل الغار=مدري ببيرٍ مايطوله أرشاها
حالاً تشيب راضع الديد بعبار=وياسفلها المجنون لامن قراها
وياما بوسط القلب نارٍ ورى نار=لاشك نصبر ونتحمل سناها
والله لولا الخوف لابيح الأسرار=أماحيات العز وإلا شقاها
لاشك أخاف أهل النمايم والأشرار=ألي على الهرجه طويلاً أخطاها
تلقاه في وسط الرجاجيل ثرثار=وفعروض خلق الله أعلومه بداها
أليا سمع كلمة يضفه للأخبار=وفي ساعة الموجز لربعه حكاها
في المجلس لسانه يجي عشرة أمتار=وفي الهرج لو يبغى أمريكاء ولاها
يذبح من الفريس مئه لياغار=خصاً ليا جاب المعزب عشاها
ووقت اللقاء للدار يلجى كما العار=بين العذاراء لابسٍ من أغطاها
تسمع أفخوذه كنها صفق بسطار=بسطار جندياً محيي لواها
يفضحك بالمجلس بهرجه والأعذار=ولياتكلم كلمة ماحماها
من عاشر الأنذال عارٍ ولد عار=وش عاد لوهو من أكبار أومراها
خلك مع أهل العز وافيين الأشبار=ألي نهار الضيق يسعد لقاها
ألي لهم عند الرجاجيل مقدار= وليا هرج فالهرج يلطم أعداها
يفرح ليا من شاف بالبيت مسيار=ويمناه لزينه طويلاً مداها
أهل الوفى ألي تكرم الضيف والجار=ونفسه عن الزلت دايم حماها
زبن الضعيف ألي عليه الزمن دار=يوماً ولد الاش يتبع رداها
يرسي كما ترسي البواخر بالأبحار=لا ولعت نيرانها في سماها
ويشفق على المعروف لو دونه أخطار=ويرضى ممات النفس ويرفض رداها
هذا وشكل الذيب مايشبه الفار=والحر حر وبومة الطلح عاها
ويفهم علي ألي فهيمٍ بالسطار=ولا الفطيسه دايماً في عماها
هذا النصيب ولا لنا فيه مقدار=وراضي بحكم الرب عالم خفاها
مقسوم والمقسوم من رب الأبشار=ولابد عقب الضيق يبدأحلاها
لاشك أبصبر وأرتجي منه الأنصار= يبعد عن النفس الشقيه شقاها
وختانها من سلامٍ بتكرار=من خاطراً عذب المعاني نقاها
سلام أحلى من لبن در الأبكار=وحلى من المرضان لونس أشفاها
وصلوا على محمد عدد وبل الأمطار=وعد النجوم ألي بعالي سماها
[/poem]
|