31-Jul-2010, 09:51 PM
|
#1
|
مشرف منتديات الشعر الشعبي
|
بيانات اضافيه [
+
]
|
|
رقم العضوية : 1075
|
|
تاريخ التسجيل : May 2010
|
|
أخر زيارة : 17-Jul-2016 (04:02 PM)
|
|
المشاركات :
4,876 [
+
] |
|
التقييم : 63
|
|
اوسمتي
|
|
|
لوني المفضل : Cadetblue
|
|
.gif)
بمناسبة تكريم الشيخ بدر لمنتدى المهامزة
أسعد الله أوقاتكم بالخير و المسرات ،
هذه قصيدة ألقيتها في حفل الشيخ / بدر بن سويلم بن هديبان لتكريم إدارة هذا الكيان الشامخ ، منتدى المهامزة الرسمي ، أترككم مع القصيدة و أتمنى أن تحوز على رضاكم :
[poem=font="simplified arabic,6,white,bold,normal" bkcolor="black" bkimage="" border="outset,10,gray" type=0 line=0 align=center use=ex num="0,black""]
من هجوس الشاعر اللي ما يعسره كل قافي=ايعسف صعب المثايل لين تمشي له بطوعه
يا سلام الله سلام ٍ نابع ٍ من قلب صافي=معه ريح العود و العنبر و طيب ٍ طاب نوعه
عد من لبس الحرام و طاف حول البيت حافي=و عد ما سار الحجيج و عد ما لبت جموعه
و عد دورات الليالي من مقابيل و مقافي=و عد ليل ٍ فرحته تعكس ملامحها شموعه
و عد ما خيل سحاب الوسم من عقب الجفافي=فيه الارض استبشرت و الله رزقها من نفوعه
لاح برقه و الرعد صوته يصحي كل غافي=و يوم سمى سالت الوديان من لحظة وقوعه
ارتوت منه العماير كلها و الخير ضافي=و انحدر سيله على واد الرمة و احيا قشوعه
و استوى نبت الربيع و ربعت حم الشعافي=في ديار ٍ نفس اهلها ما تجي منها جزوعة
السلام يعم كل اللي حضر للحفل لافي=في مكان ٍ فيه ريح العود و البن و قدوعه
و السلام يخص شيخ ٍ من شيوخ الطيب وافي=بدر ابو نايف كريم الطبع يا ما اطيب طبوعه
ما على الفزعة كلام و لا على الطيب اختلافي=من صفات مجرّي الهياب ابو نفس ٍ بتوعة
شيخ من روس الشيوخ مخضبة حد الرهافي=ساعة ٍ تضرب طبول الحرب و تجهز دروعه
مكرمين الجار و الخطار بسنين ٍ عجافي=بالزمان اللي يموت الذيب من حره و جوعه
لو نقول سويلم هديبان صار القول كافي=ذكرهم باقي مثل نجم الجدي بيّن سطوعه
يرحم الله من سلف و اللي خلف دام متعافي=كل عرق ٍ طيب الطيب يتوزع مع فروعه
اجتمعنا عند ابو نايف و ابو نايف سنافي=يبذل المجهود بحر الجود و يكرم ربوعه
كرم اللي فعلهم بين العرب فعل ٍ يشافي=الرجال اللي طلوع العز بانوا مع طلوعه
شيدوا صرح ٍ شمخ بالعز ما فيه انحرافي=يحمل اسم ٍ كلنا وقت الشدايد من فزوعه
يا مهامزة المراجل و المواقيف النظافي=يا رشايدة الفخر و سنوع من ضاعت سنوعه
يا بني عبس الكرام اللي مكارمكم ضوافي=فوق صفحات ٍ من التاريخ ماهي بمخلوعة
في ذراكم يدله الجالي و يامن من يخافي=و العدو من فعلكم عينه تشوف اللي يروعه
و الله انه ما يعدد طيبكم نظم القوافي=لو كتبها من كتبها بشهره و الا اسبوعه
و احمد الله في زمان الخير و أيام العوافي=في ذرى حكم الحكيم اللي بعيدات ٍ رموعه
ابو متعب له ولانا و المودة و التصافي=صاحب الصيت الذي بالكون ما يُجهل ذيوعه
دارنا دار الشرف دار المعزة و العفافي=ينعم الشعب السعودي ما شكى ذل ٍ و لوعة
و الختم صلوا على محمد عدد نبت الفيافي=هادي الأمة عسى انفسنا بما حلل قنوعة
[/poem]
كلمات / معيبد الرشيدي
|
|
|
|