دمع المحاجر
ياليتني يوم شفتك عنك صديت
وياليتني يوم جيتك ماهويتك
خدعتني بصوتك يوم ناديت
احسبنك تناديني حبيبي فديتك
انا اللي بنيت لك وسط الهدب بيت
وخليت رمش عيني سور بيتك
وياما بسود الليالي نحت وضميت
واجيك مشتاق ياحياتي ولارتويتك
وياما دمع المحاجر عنك اخفيت
علي سنين مضت فيها رجيتك
كنت بحياتي حي واليوم ترى ميت
ومن قصة حياتي يا عذابي محيتك
ياليت ما شفتك ياليت ياليت
وياليت بعتك بالهوى ولا شريتك
|