سلام مني عد ماهبت النود=عد المزون الممطره من رعدها
على حفل شيخً به اشيوخ وفهود=قبايلً ماينحصي وش عددها
بالعضو جابر ياخذ الامر مأكود=امر المليك وشورته يعتمدها
فيه الكرم والعدل والطيب موجود=سمً على كبد المعادي لهدها
يشهد له التاريخ مادور شهود=معروف طيبه من صفاته وجدها
لوخلقت الدنيا على راس عبرود=افعالنا تحصد وحنا نحصدها
مهامزه لحرك ازناد بارود=كم واحد وقفاتنا ماجحدها
وشيوخنا وافين عن كل منقود=يوم المعادي ديرته ماوردها
خضران وهديبان والفعل ماكود=تاريخهم يطوي السنين بعددها
والحمد لله صارت اسهود ومهود=فضايل الحكام كل ن حمدها
وتعيش يابلادي ولايهان بك عود=مادام عبدالله ملك هو عمدها
حنا حماة الدار والرب معبود=عبادة لاصنام محدن عبدها