وانـا أول مـن بهامـه يرفـعـه
وكلبوكـم أرفعـوا لاتستـحـون
أشرحو لـي وضعكـم أبسمـعـه
وكل واحد له زمن لـو تسمحـون
قال هذا .. هـرج مابـه منفعـه
راح ياخذ وقـت تالـي تزهقـون
قلت قـول صدورنـا كلـه سعـه
مانمل ولانكـل .. مثلـك يمـون
قالهـا يبكـي تـحـدر مدمـعـه
وياكثر غيره تباكـى مـن عيـون
قال انا والحب مـن مبطـي معـه
لكن الخاين تـرى طبعـه يخـون
يسلب عقول البشـر ثـم يتبعـه
كل غاوي مايهم من هـو يكـون
يسحرك ثم يامرك بـس بصبعـه
وغصب عنك ياردك عد الضنـون
له وجـوه ولـه .. عـدة أقنعـه
هو وجه اليأس في هيئـة حنـون
هـو محـال أنـك تقـدر تمنعـه
يغرس ارماح الهوى مثل الطعـون
ياخـذك حتـى خضـم المعمعـه
ويتركـك .. إنـا أليـه راجعـون
قلت له اسكت عسـى الله يقلعـه
كدرن هرجه وهيضـت الشجـون
ماني سامـع شـي قلبـي قطعـه
اسمعونـي واسكتـوا لاتسـردون
انا وضعي يختلف عـن موضعـه
وافهمـو لاكنـكـم لاتعلـمـون
الهـوى لغـزاً مـحـداً يرمـعـه
ومن يفكر فيه .. ترى صابه جنون