(((((((رحــــــــــــلة عــــــمـــــــر))))))))
ياوقت وش ذنبي وانا اللي مديت لك ماقلت هات = خسرتـــــني رحلة عمر ماارتاح من يتعبها
تعبت واحـــــلامـــــــــي على بـــاب الامل والامنيات = وأرضى بها وقت الرضى واذا زعلت اذنبها
احيان ياخذني الحزن وتضيق بي لربــــع جهـات = واعاتب حـــظـــوظ الزمـــن واذمها واسبها
ياليل وش حدك على صدري وانا صـــدري شتات = كنك تناول ضـــلــــوع الــشـــقى وتشبها
خليتني ماعاد اميــــز شالحيـــــــــاة من الممات = ياجعل نفسي ماتحوش الا الرضى من ربها
يابري حالي كــــــــل مادنقت وازراني السكات = اجمع هجوس الــشــعر واشمل بها واجنبها
كثرة سكاكين الجمل وانا اسئل الله الثبـــــــات = تخالف أضلوعي سكاكين الجفا وتجبــهــا
ماعادني بيـــــــاي لامنــــــي بغيت النــايفات = من عـــــقــــب ماانا لابغيت النايفات اذبها
قولولها قولولها وان عـــــــــودت مافات فات = اربها لاشـــــافــــت ديـــــار الحبيب تنبها
وان كانها بطول الغيبــــــه وانا مالـي غنــاة = في ذمتي ان أموت ويمكن موتتي من حبها
كن الزمان يشب في صدري وانا مالي سواة = الا اني اشـــــرع ضلوعي للهــــبـــوب تهبها
والغيبه اللي خلت عروقي مثل جـــــــف النبات = ياليتها مــاتحـــرق اعصـــابي ولاتــــلعبهـا
اسرح مع نفسي وانادي باسمها وأقـول جات = واقـــــــول ياقلبي اذا دعــــــت قــــم لبهـا
والله لولا الخــــوف من ربي ومن هرج الشمات = لاحـــط صـورتهـــا على راحت يدي واحبها
واذا بغيت أرجـــع أيام العمر والـــذكــــريات = ابطيت ولسانـــي على عل وعسى واربــها
عزي لقلب لابغى يرتاح ماحصــــل مبــــات = وعـــزي لعين لابغت حلوى الكرى ماطبها
كله سبايب جادل ماهي مثل باقي الــبنات = نذر علي إن أحيا وأمـــــــوت وأنـا أحبها
ـــــــــــــــــــــــــــــــــــــــــــ
مما راق لي
مـــــــــــــــــــــــــع
تحيااااااااااااااااااااااااات
[""-أسير~~~الشوق-""]
وشــــــــــــــــــكراً
|