دعاك الشوق ياطيف الغلا ولا الجروح اجداد
اوانك مالقيت من المواجع غير ذا السيرة
تذكرني عذابي وانتحى لك طايع منقاد
وتروي من عروقي لين اموت ويالله الخيره
طلبتك خلني ماعاد جرحي دمعه وسهاد
كبرت وكبرت جروح الغرام وشان تدبيره
ولاني طفله تزعل وتضحك للرضا بعناد
يمرجحها الغرور وغرها الوقت ومقاديره
سرت فعيوني طعون الفراق وخاطري ماهاد
بكيت ولا ذبحت البعد والهوجاس والحيره
انا ياصاحبي غنيت جرحي لين صوتي باد
اسند له طروقي وان تعداني محاديره
وانا اللي داعي الاشواق صافحته عنا وجهاد
ولاحصلت من وجه الزمان الا مخاسيره
تذكرني او انك جيت ياطيف الغلا نشاد
وتدري مانسيته من خطاه اليا معاذيره
سريته لين ماصارت عيوني له مسا ورقاد
وصار الليل مسرى خوته والعهد والجيره
احبه وان ذكرته ضاعت بلاد ونسيت بلاد
ولادرى عن مكاني وين انا والناس والديره
كتبه الله لعمري جرح ولغيري كتبه مراد
وتذبحني ظنوني لاصحت بي جمرة الغيرة
يقول انتي واقول انت الغلا ياروح .؟..؟...؟.
عليك الله وامانه وش يضيف الدمع ويجيره
دريت انه لغيري واقتنعت ولا بقى مقعاد
تفارقنا ويا ممكثر غلاه وكثر تقصيره
خذا كل العمر واقفى بلا عذر وبلا معاد
وانا قفيت ما والله في قلبي سكن غيره