((عبس)) جديدي / حجاج المهيمزي
[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
السلام عليكم ورحمة الله وبركاته ،اسعد الله اوقاتكم بكل خير
جديدي لتواصل معكم ، ارجوا ان ينال اعجابكم
مواريث السطر والسيف الاجرد والكرم والجود =معالمنا على طول الزمن تبقى معالمنا
ولاياجاهلن فينا على وضح النقا المجرود =ماحنا سلعتن في حكم بايعنا وسايمنا
ترانا عبس لاهاش الحريب وحك عود بعود =نهوش ونردع الاخصام لاقامت قوايمنا
قبيله وسمنا لحاله يهيّب من سطره احشود=هذا غير الفعول اللي تسطرها ملاحمنا
ويوم الشلف وحدود السيوف وقدحة البارود =تطيح ارقاب خلق الله ماطاحت عمايمنا
عطانا الله هيبت روس مطنوخه وقو عضود=نضد بها كبار القوم ونقضّي لوازمنا
نشاما واثقل من جبال سلمى والعلم والطود =واشد امن الرماح اللي توقع في خصايمنا
ياويل المخطي اللي مادرى ان لكل شي حدود =يجينا في يديه ويرجع بيسرا بلا يمنا
نحامي بارهف الحدين من دون الحما والذود =ونموت وروسنا شمّخ ولاتوخذ غنايمنا
اسودٍ ماطلعنا الا وحنا من عرين اسود =من احداث الزمان الشين مامالت محازمنا
وحنا مزبن الخايف وحنا فزعة المضهود=وحنا اللي على عرش الفخر باقين مادمنا
اهل خوه واهل نخوه واهل يمناً تجيب الفود=نوردها على دروب المخاطر لو تداهمنا
حرارٍ نشفي القلب العليل ونبذل المجهود =وعلى كسب المراجل ماتهاونا ولانمنا
من الحره لاشاط النيل الازرق حدنا ممدود =ومن دار الكويت ليا علاوي نجد مرسمنا
وضعنا بصمةٍ تبقى على شم الجبال السود=تعّلم جاهل التاريخ عن قوّة عظايمنا
ولو دار الزمان وصارت الدنيا سهود مهود =وطمعو قاصرين العزم في ثنية عزايمنا
نموت ولاتموت عزومنا بذن الله المعبود =ولانخضع لغير الله ولالغير الله اسلمنا
حجاج المهيمزي....
[/poem]
|