غنيت يوم صفيط دربه لقيته ( معينان )
يسرني أن اطرح هذه القصيدة للشاعر الكبيرصالح عبدالله العويمري
( معينان ) وهي موجهه للأخ جابر مبارك المهيمزي
بديت ذكر اللـي بعفـوه رجيتـه = اهو الكريم اللي بعبـده رحومـي
غنيت يوم صفيط دربـه لقيتـه = واليا نشدوني قلت رحت معزومي
ديرة رجال شيوخ ما هو نبيتـه = يوم العرب صولات قوم وقومـي
جابر مبارك كنه بسمـة نخيتـه = يبدي التحية قبل يأخـذ علومـي
والظاهر إني بالردى مـا هقيتـه = إبن مبارك جعل عمـره يدومـي
مهيمزي والكل يعـرف بصيتـه = احسب حسابه من رجال قدومـي
مهامزه علم الشـرف محتميتـه = إليا صاح صياح العرب قام يومي
جابر على وقت اللزوم أمتنيتـه = وإلا رجال الكبر عنهو نشومـي
كبار النفوس قلوبهـم مستميتـه = اللي معرفتهم تجيـب الهمومـي
وبيت الردى من خلقتي ما نصيته = غير الرجال اللي تعرف السلومي
والقاف من غاية ضميري بنيتـه = يبقى مع التاريخ مثل الرسومـي
شعر النبط من خلقتي ما اشتريته = درستبه وأخذت رخصة عمومـي
ومن يفعل المعروف أنا ما نسيته = وحلفت انا باللي ينشي الغيومـي
سبحان من بأمره وحكمه رضيتها = للي فرض العبد حـج وصلاتـي
تحياتي للجميع
|