منتديات قبيلة المهيمزات الرسمي - عرض مشاركة واحدة

20-Apr-2012, 01:52 AM

السلام
عليكم ورحمة الله وبركاته
اسعد الله أيامكم بالمسرات
للتواصل أهديكم هذه المتواضعه من الارشيف
تقبلوها كما هي
عسى أن تنال إعجابكم
وأذواقكم الراقيه
[poem=font="simplified arabic,6,black,bold,normal" bkcolor="transparent" bkimage="" border="outset,6,burlywood" type=2 line=0 align=center use=ex num="0,black""]
ما أخذت ثار كليب ياسالم الزير=مافات من يوم (ن) عليك امحسوبي
طبع الدهر بين ارتفاع ومحادير=يزين بعض أوقات ويشين نوبي
في حامي الكنه على طيّة البير=أزريت أفيق من الضماء من اغروبي
في منتصف مرباع سيد الغنادير=وقفت حاير منزعج من اسلوبي
مكسور خاطر وألزم الصّمت تشفير=عن نار قال وقيل ناس(ن) حكوبي
القلب يكفخ مثل مايكفخ الطير=ويومي كما أوماي الشّجر بالهبوبي
أفتر دولاب الضماير كما السير=يدق به هاجوس مع كل صوبي
دكت همومه بين ورد ومصادير=شرق(ن) وغرب ومن شمال وجنوبي
وصاحبي عني حدته المقادير=بيني وبينه سكر(ن) الدروبي
بحال عني بعد لندن عن النير=والاّ بحال أقرب من ازرار ثوبي
عذب الخدود ابو النهود المزابير=قلبي بحبه عاصي(ن) مايتوبي
طيفه يصوّرلي مع الحلم تصوير= أفز لا شفته واناجيه دوبي
ولايستجيب لصوت داعي بتعبير=صورة خيال بدون نفس امحبوبي
اصير مثل المنّجم دون تفكير=حلم(ن) يسوّي هالطبيعه كذوبي
الله يذكر ذيك الأيام بالخير=يوم(ن) أنا ويّا المليح العجوبي
أخذت في روضة غرامه مشاوير=كل(ن) شرب من صافي الحب كوبي
حبي وحبه صدق مافيه تزوير=الله يعلم في خفايا القلوبي
جاهل وأنا جاهل وللحب تبرير=حكمه مجاز(ن) فيه بعض العيوبي
يقول ويش الحب شرح(ن) وتفسير=وأقول له وأنا خفوقي يذوبي
خلك على حشمه وشيمه وتقدير=وأبعد معي عن مايثير العزوبي
يامن تخدّرني بحمر ومغاتير=من بينهن حلو المصفّى يروبي
العب على كيفك وصم يوم تكفير=كانك تحسب إنك على باب طوبي
يمكن بما سويت تجزاء زمهرير=وأنا بما سويت يغفر ذنوبي[/poem]

وسلامتكم