منتديات قبيلة المهيمزات الرسمي - عرض مشاركة واحدة

06-May-2012, 08:19 PM

السلام
عليكم ورحمة الله وبركاته
اسعد الله أيامكم بالمسرات
للتواصل أهديكم هذه المتواضعه من الارشيف
تقبلوها كما هي
عسى أن تنال إعجابكم
وأذواقكم الراقيه

[poem=font=",6,black,bold,normal" bkcolor="transparent" bkimage="" border="outset,6,burlywood" type=2 line=0 align=center use=ex num="0,black""] البارحه ليل الشتاء شين لاعاد=برده شديد وراح من شد شوقي
في منتصف مدهال عذب اللما زاد=همي وغربالي وحزني وعوقي
يسوقني يمه مع الشوق جلاّد=تحت جناح الليل كني سروقي
بيض النوايا خاطري منه منقاد=ماغير ابا أكحل من هوى البال موقي
ياما جذبني ريحة المسك والكاد=وعبق الزهور اللي يحرك خفوقي
في سن جاهل بس للعلم نشّاد=امشي بعقل إنسان عاقل صدوقي
ما أبيع دمي خوف من كل نقّاد=غالي إلى آخر قطرة(ن) في عروقي
تمنعني العزه مع الملح والزاد=داخل عرين أسود ماني بلوقي
عندي كرامة عزوتي فوق الأشهاد=على سنام المجد والمجد فوقي
أفخر وللنخوه على الموت ورّاد=رهين للغيره ومثلي شفوقي
لو يستعيد الوقت غانم وشّداد=والاّ غروب الشمس يصبح شروقي
ما ادوّر الغره على عرض الأجواد=أحقوقهم واجب وأنا اسقط احقوقي
حتى يموت من القهر كل حسّاد=اللي على شذب المقفي سبوقي
ونقالت النمّه قليلين الأرشاد =زباين الهزله وساع الشدوقي
[/poem]