يا حي هالبسمة من الناب للناب ** و عطر ٍ من انفاسك يذعذع مهبه
و يا حي هالخرس النواعس و الاهداب ** و اللبة اللي يا بعد كل لبة
و صوت ٍ بنبراته للالباب سلاب ** فيه الهوى له نغمة ٍ مستحبة
و عود ٍ من الاعجاب تلوى له ارقاب ** من وين ما النسناس ذعذع لعب به
من الترف ما يحتمل بعض الاتعاب ** و ليا مشى ممشاه حبة و حبة
يعانقه شعر ٍ ليا انهل و انساب ** خبى جسد راعيه لو قال خبه
و اشيا كثيرة ما لها عد و حساب ** يضيع في تشبيهها من يشبه
لو قمت اعددها يقولون كذاب ** و انا لساني ماش علم ٍ كذب به
معيبد