رد: عبر عن حالتك النفسيه ببيت شعر
يالله ياجـالـي الامــور المهـمـه0000 تجلا وهج قلب(ن) برى حال راعيـه
البـر دجتـه والبحـر رحـت يمـه 0000يقطعك ياحظ (ن) على الله مساعيـه
يوم ان ولد اللاش رزقه علـى امـه 0000رزقي على اللي ميت القشـع يحييـه
يامل قلـب(ن) كـل مامـات همـه 0000دارت دواليـب الدهـر ليـن تحييـه
افـراق شمـل النـاس عيـا يلمـه 0000وقت يشيب الراس مـن شايـة فيـه
احد(ن) ينـام وحـط راسـه بكمـه 0000واحد(ن) تخم النوم عينـه وتخطيـه
واحد(ن) يحاول بالردى بنـت عمـه 0000واحد(ن) يحاول ستر عذرى عوانيـه
مانـي وانـا بنـدر ببيـاع دمــه 0000يقطعـك يابيـاع دمــه ومهفـيـه
اللـي يبـيّـع لابـسـات الازمــه 0000ثور(ن) يبي بيض الرعابيـب تغنيـه
يزعل ليا جـت ليلـة الـدور يمـه 0000يرضى بسوق المـال فخـوه وفابيـه
خطـو البخيـل اللـي يكبـر معمـه 0000يقـرا الكتـاب وواجـب الله يخليـه
اما هـرج لـك فـي رفيقـه بنمـه 0000والا عطـا وامـه تضيـع هقاويـه
أنشدك ياللي كـل فـرض(ن) تتمـه 0000تقرا الكتاب وكل فـرض(ن) تصليـه
ويش القليب اللي غميـق(ن) مجمـه 0000مافاد غرسه ماه عطشـى سوانيـه
تخالـف الانظـار شـرق(ن) ويمـه 0000وكل(ن) هدف رآيه من الناس مرضيه
سم السبـب ياعـارف عنـه سمـه 0000سم السبـب ياعارفـه قبـل اسميـه
|