ياشيخ ياللي تحفظ الطيب وتصونه
[poem=font="traditional arabic,6,red,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]
ياشيخ ياللي تحفظ الطيب وتصونه=يالطيب اللي تفاخر فيك الامثالي
ياللي فعايلك ماشيوفه ومضمونه=ماهي بوقت السعه سردن بالاقوالي
والطيب لو كل خلق الله يسوونه=تساوت الناس بالسمعه والافعالي
ولا صار لاهل الوفا طيب(ن)يعدونه=ولاحدن شكا في حياته سؤ الا حوالي
الطيب تقصر يدين العفن من دونه=لو مايعسره وفي يمناه بالحالي
مايقدر الطيب لو شافنه عيونه=رداه بينه وبين الطيبه حالي
ياشيخ مدري وش اللي في تهقونه=والا هقاوي فيك ابحور وجبالي
ماهمني ويش خلق الله يقولونه=وماشلت هم العلوم قصار وطوالي
لو قبل ظني طلبنا ماتردونه=ولا يعود من يمكم بالعذر مرسالي
وماطعت هرج(ن)عنك عندي يبثونه=ولاردني عنك مايقولون الانذالي
لو هالزمن فيه خلق الله مافتونه=ومثل فقيره غنيه ضايق البالي
مايشكرون الامن والله يحمدونه=اللي لهم في يديه ارزاق واجالي
والطيب ذهبوا رجاله واقفت اظعونه=من يوم صاروا رجال الطيب عمالي
والناس من قل ماله مايدانونه=مايساق له قبل راع المال فنجالي
لو صاحب المال قبله مايعرفونه=خلاه ماله عليهم بالعمر والي
اثبت الشعر في معناه وركونه=وسعى بكل الجهود لمن تعنالي
ومن مالله اغناه صعب الناس يغنونه=وكل(ن)يحاسب بنياته والاعمالي
والمال لو وصل اهله مايريدونه=وعز الردي قدر راع الطيب مازالي
لقبل من الله عبدالله يعزونه=لو امرح الليل ما في جيبه ريالي
[/poem]
|