22-Jun-2012, 01:08 AM
|
#1
|
شاعر
بيانات اضافيه [
+
]
|
رقم العضوية : 35
|
تاريخ التسجيل : May 2008
|
أخر زيارة : 12-Nov-2019 (04:59 PM)
|
المشاركات :
221 [
+
] |
التقييم : 11
|
|
لوني المفضل : Cadetblue
|
|
ضاقت .. فجوج الكون ..!
.
.
بعد السلام
أبداء بـِ نظم الكلام ..
وترتيبه ورصفه .. وإعرابه وصرفه ..
.
.
قصيدة ..
تطمح أن ترتقي لـِ ذائقتِكُم ..
.
.
.
[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ضاقت فجوج الكون .. يبست شفاياي = والغـــم هجررس .. بـالـظــلــوع الـنـحــايــف
والضيق داهمني .. وشعثر خفاياي = وأجتاح .. الجروح الرعايف
ابكي هموم الوقت .. واجمع بقاياي = واتمتم .. حروف القهر بالشفايف
واليا هفتبي .. وارثعت في حناياي = سجلت .. لوعات الحزن بالصحايف
ياعاذلي .. وان درهمتلك مطاياي = ليّاك ترخص .. طيبات الوصايف
ماغيّرت .. سود الليالي نواياي = ولاذلني .. غبر الظروف الصخايف
اشبح .. اوازن هرجتي مع سواياي = واساير .. سنين الزمان العجايف
وأملا معاميلي .. واجود بعطاياي = وارحـب بضـيفي .. واشــيل الكــلايـف
واستر عذاريبي.. وأخبي شكاياي = وامسّح .. زهاف الدموع الذرايف
الصمت .. قلل من ذواري خطاياي = واكفا .. حثاريب العتب والحسايف
ولسع العقارب .. ماذبحلي هقاياي = عنّه رقيت .. العاليات النوايف
لا ما اغطشت .. ظلما الشتايم علاياي = والصافنه .. تدرا المهار الزغايف
الطيب ثوبي .. والشهامه عباياي = وشماغي .. صدوق الهروج النظايف
ياعاذلي .. ماجيت اعدد سجاياي = وانا الذي .. دك النفوس الضعايف
وان كانك .. مكذب توالي حكاياي = رح .. وانشد اللي يدهلون المضايف
[/poem]
.
.
.
|
|
أبيات التوقيع .. قابله للتغيير من حينٍ لأخر
جٌل الأبيات المعروضة .. من بنات أفكاري
أنتظرتك والليالي .. تودي ماتجيب = وأنتخيت الحظ .. والحظ مابه مرجله
ياوسيع العرف .. وأن كان بك شكٍ وريب = أترك القلب المُعنى .. وحاذر تشغله
فهد بن ناوي المهيمزي
|