منتديات قبيلة المهيمزات الرسمي - عرض مشاركة واحدة

اوسمتي · 17-May-2010, 05:29 AM

سالت دموع العين من عقب فرقاك
والصدر ضاق ولا بقى فيـه حيلـه

وش حيلتي لاغبت عني وانا أبغاك
ماعنـدي إلأ خالـقـي يشتكيـلـه

أنت الرفيق ألى على الطيب ممشاك
أنت الصديق ألـى تسـاوي قبيلـه

روح عسى ربي يسهـل بمسـراك
الـدرب تـوك والمسافـه طويلـه

اوصيك لاتسرع وهون على أخطاك
والارض ماخلقـت بيومـن وليلـه

واوصيك لاتهمل صلاتـك وتقيـاك
صـلات ربـي كلنـا ننحنـي لـه

وأوصيك في من قد تعب ك ورباك
أبوك شـال حمـول عنـك ثقيلـه

يا ما سهر شافك مجرد وغطـاك
فضلـه كبيـر وردتـه مستحيلـه

وأمك لها شان بحياتك ومنشـاك
تسعة شهور فبطنهى تحتمـي لـه

باسة على خدك وباسة على علباك
وتقـول يالله لا تجيـب الخذيـلـه

أرجوك وأطلب وأتفدى وبنصاك
تسمع وصية خـل يوصـي خليلـه