إضحك وفـلّ حجاجـك اشفيـك محـزون

‏ ​ ‏ ​ إضحك وفـلّ حجاجـك اشفيـك محـزون
......... دنـيـاك ماتـسـوى وخـذهــا نصـيـحـه ..

مــادام مـالـك مـيـت ولا انــت مـديــون
......... ارم الهـمـوم وخــل نـفـسـك مـريـحـه ..

لـو كانـوا اصحابـك يضـاهـون ملـيـون
......... نــق الكـفـو منـهـم وخــل السطيـحـه ..

ولا تشتـكـي للـنـاس لوكـنـت مطـعـون
.........( والـذم مـن بـعـض الخـلايـق مديـحـه )..

ولا تنـحـنـي للهم وتـعـيــش مـغـبــون
......... تـرا المريـح اهـل العقـول الصحيـحـه ..

لاصـرت صـادق قالـوا النـاس مجنـون
......... مايـمـدحـون الا الـنـفـوس القـبـيـحـه ..

وخلـك صـمـود بـوجـه الايــام و موزون
......... ومـــا حـــرم الله إثـــم لا تستـبـيـحـه ..

والكـبـر لــو بــه فـايـده فــاد فـرعــون
......... ومــن ذاع ســرّه بـشّـره بالفضـيـحـه ..

والله لــو يعـطـون لـــك مـــال قـــارون
......... ماشـفـت نفـسـك بالغـنـى مستريـحـه ..

انفـض همـوم القلـب وابليـس ملـعـون
......... وان ضاق صدرك ارض ربي فسيحه ..

منقول من ايميلي

صح لسان قائلها


ومشكور اخوي نويعم على الطرح

بلسم الروح

اسعدني مرورك

لاصـرت صـادق قالـوا النـاس مجنـون
......... مايـمـدحـون الا الـنـفـوس القـبـيـحـه

نويعم

ابيات رائعه
مشكور على النقل

‏ ​ ‏ ​ إضحك وفـلّ حجاجـك اشفيـك محـزون
......... دنـيـاك ماتـسـوى وخـذهــا نصـيـحـه ..

مــادام مـالـك مـيـت ولا انــت مـديــون
......... ارم الهـمـوم وخــل نـفـسـك مـريـحـه ..
سلمت يمينك
نويعم

عيسى محمد الرشيدي

اسعدني مرورك

يمك دروبي

اسعدني مرورك