يانوف

(يانوف)

يانـوف مـن فرقاك رافقني الياس
ليـتـك قـريبـه عـنـدي ليـتك قريبه

دنـيـاي منـك كـلهـا أحزان وأتعاس
والـحـظ خـايـب واللـيـالـي صعـيبه

الـقـلب ضـايق دايم الدوم محتاس
ياشـيـنهـا فـرقـاء الـحبـيـب لحبيبه

أسـهـر أنا لـيلي بـهـم وبـهـوجـاس
وأقـاسـي أِشـواق الـغياب الـعجيبه

كافي غياب أرجوك ياشيخة الناس
تــرا جــروحـي كــل ابــوها عـطيـبه

والله مـهـمـا صــار مـاوطـي الـراس
بصـبـر عـلـى غـم الـحـياه الـكئيـبه

الـحـب مـاله عندي حدود وأقياس
والـحـب دون الـتضحيه وش أبي به

بصبـر وشـد حــزام صـبري ولابـاس
ويـالله عـسى الـمزيون ربي يجيبه

يانوف مـن فــرقاك رافقـنـي الياس
ليــتك قريبــه عنـــدي ليـتك قريـبه ..

صح لسان شاعر هذه الابيات

ومشكور على النقل المميز لاهنت

صح الله السان شاعرها ولاهنت اخوي محمد
على النقل وتقبل مروري ودمت

مشكورين و تقبلوا تحياتي